മെസ്സിക്ക് സാധിക്കാത്തത് റൊണാൾഡോയ്ക്ക് സാധിക്കുമോ? ഇന്ത്യൻ മണ്ണിൽ കളിച്ചേക്കും?
ലോക ഫുട്‌ബോളിലെ ഇതിഹാസ താരമായ ക്രിസ്റ്റ്യാനോ റൊണാൾഡോ ഇന്ത്യയിൽ കളിക്കാൻ സാധ്യതയുണ്ടെന്ന വാർത്തകൾ ഫുട്‌ബോൾ ആരാധകരെ ആവേശത്തിലാഴ്ത്തിയിരിക്കുകയാണ്. AFC ചാമ്പ്യൻസ് ലീഗ് 2 ടൂർണമെൻ്റിൻ്റെ ഗ്രൂപ്പ് ഘട്ടത്തിൽ റൊണാൾഡോയുടെ നിലവിലെ ക്ലബ്ബായ അൽ നസർ എഫ്‌സിയും ഇന്ത്യൻ ക്ലബ്ബായ എഫ്‌സി ഗോവയും ഒരേ ഗ്രൂപ്പിൽ വന്നതാണ് ഈ സാധ്യതക്ക് വഴി തുറന്നത്.
ഗോവയിലെ ഫറ്റോർഡ സ്റ്റേഡിയത്തിൽ റൊണാൾഡോ ഇറങ്ങുമോ?
ഹോം, എവേ ഫോർമാറ്റിലാണ് മത്സരങ്ങൾ നടക്കുന്നത്. അതിനാൽ, അൽ നസറിന് എഫ്‌സി ഗോവയുടെ ഹോം ഗ്രൗണ്ടായ ഗോവയിലെ ഫറ്റോർഡ സ്റ്റേഡിയത്തിൽ കളിക്കേണ്ടി വരും. ഇതോടെ, ക്രിസ്റ്റ്യാനോ റൊണാൾഡോയെപ്പോലെ ഒരു ലോകോത്തര താരത്തെ ഇന്ത്യയിൽ നേരിൽ കാണാൻ സാധിക്കുമെന്ന പ്രതീക്ഷയിലാണ് ഫുട്‌ബോൾ പ്രേമികൾ.
സാധ്യതയുണ്ടോ ഉറപ്പിക്കാവോ
റൊണാൾഡോയുടെ കരാർ സംബന്ധിച്ച ചില റിപ്പോർട്ടുകൾ അനുസരിച്ച്, ചില എവേ മത്സരങ്ങളിൽ നിന്ന് അദ്ദേഹത്തിന് വിട്ടുനിൽക്കാൻ അനുവാദമുണ്ട്. മുൻപും ചില മത്സരങ്ങളിൽ അദ്ദേഹം പങ്കെടുക്കാത്തതിനാൽ, റൊണാൾഡോ ഇന്ത്യയിൽ കളിക്കുമോ എന്ന കാര്യത്തിൽ ഇപ്പോഴും ഉറപ്പില്ല. എങ്കിലും, അദ്ദേഹത്തെ ഇന്ത്യയിൽ കാണാൻ സാധിക്കുമെന്ന പ്രതീക്ഷയിലാണ് ആരാധകർ.
ഇന്ത്യൻ ഫുട്ബോളിനെ സംബന്ധിച്ച് ഇതൊരു ചരിത്രപരമായ നിമിഷമാണ്. കാരണം, റൊണാൾഡോയെപ്പോലെ ഒരു ലോകോത്തര താരം ഇന്ത്യയിൽ കളിക്കാൻ എത്തുന്നത് വലിയൊരു കാര്യമാണ്.
